இறைவன்

SUNDAR · மூத்த உறுப்பினர்

விசுவாசமா? கிரியையா?

SUNDAR · மூத்த உறுப்பினர்

எபேசியர் 2:8 கிருபையினாலே விசுவாசத்தைக்கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு;

வசனம் சொல்வதுபோல் "கிருபையினாலே மட்டுமல்ல அத்தோடு விசுவாசத்தையும் கொண்டுதான் நாம் இரட்சிக்கபட்டிருக்கிறோம் என்ற உண்மையை நாம் அறிதல் அவசியம்.

தேவ கிருபையானது இலவசமாக கிடைத்தும் "விசுவாசம்" என்ற கிரியை இல்லாத காரணத்தால் இன்று அநேகர் தேவ ராஜ்யத்துக்கு

புறம்பே இருக்கின்றனர்.

கிருபை என்பது எல்லார்மேலும் பலிக்கும் ஒரு தேவனின் கொடை என்றாலும் அந்த கிருபையை பெற்றுக்கொள்ள "விசுவாசம்" என்ற ஒரு கிரியை அவசியமாகிறது.

இக்கருத்தை விளக்க இஸ்ரவேலர் வனாந்திரத்தில் நடந்து வந்தபோது தேவனால் கொடுக்கபட்ட உணவாகிய "மன்னா"வை கூறலாம்.

மன்னாவானது இஸ்ரவேலாரின் பாளையத்தில் இலவசமாக பொழியப்பட்டது. ஆனால் அதை பொருக்கி எடுத்து சரியான முறையில் பயன்படுத்தாதவர்க்கு அதனால் பயனில்லை!

அதுபோல், இன்று உலகில் தேவனின் கிருபையானதது இலவசமாக எல்லா இடங்களிலும் பொழியப்படுகிறது

ஆனால் இலவசமாக ஒரு வேஷ்டி கொடுத்தால் கூட்டமாக கூடும் மனுஷர்கள், தேவ கிருபை இலவசமாக கிடைப்பதை அறியாமலே

வாழ்ந்து மடிகின்றனர்.

அத்தோடு அறிகிறவர்கள் அறிந்தால் மட்டும்போதாது அதை அவர்கள் "விசுவாசிக்கவும்" வேண்டும்.

இந்த "விசுவாசம்" என்றால் என்ன?

எபிரெயர் 11:1 விசுவாசமானது நம்பப்படுகிறவைகளின் உறுதியும், காணப்படாதவைகளின் நிச்சயமுமாயிருக்கிறது.

காணப்படாத ஒன்றை நிச்சயமாக நம்புவதே விசுவாசம்!

கண்ணால் கண்ட ஒரு காட்சியையே நம்பாமல் அதற்க்கு ஆதாரம் சாட்சியம் கேட்டு நிராகரிக்கு இந்த உலகில் காணாத ஒன்றை நம்புவது என்பது கடினமான ஒரு காரியம்.

எனவே "விசுவாசம்" என்பதும்கூட மனுஷனின் ஒரு கிரியைதான்.

எனவே:

கிருபை இருந்தும் விசுவாசம் இல்லை என்றால் பயனில்லை!

(எபேசியர் 2:8 கிருபையினாலே விசுவாசத்தைக்கொண்டு இரட்சிக்கப்பட்டீர்கள்)

இயேசுவின் மூலம் கிருபை இலவசமாக கிடைத்தும் அதை விசுவாச்க்காதோருக்கு நித்திய ஜீவன் இல்லை

விசுவாசம் இருந்தும் கிரியை இல்லை என்றால் பயனில்லை!

(யாக்கோபு 2:20 கிரியைகளில்லாத விசுவாசம் செத்ததென்று நீ அறியவேண்டுமோ?)

விசுவாசம் இருந்தும் அதை செயலில் காண்பிக்காமல் நான் விசுவாசிக்கிறேன் என்று வாயால் சொல்வதில் பயனில்லை.