இறைவன்

➡நானும் ஒரு மாய்மால பரிசேயன் தான் - இரக்கமில்லாமலும் அன்பில்லாமலும் பாவத்தைவிட்டு மனந்திரும்பாமலும் இருந்துக்கொண்டே, தேவனுக்காக மட்டும் வைராக்கியமும், வீராப்பும் காட்டும்போது! ➡நானும் ஒரு கல்நெஞ்ச பரிசேயன் தான் எனக்கு அன்பானவர்கள் தவறும்போது தேவசமுகத்தில் மன்றாடிய அதே நான், பிறர் தவறும்போது தேவசமூகத்தில் மன்றாட மனதுவராதபோது! ➡நானும் ஒரு இரக்கமற்ற பரிசேயன் தான் - போதனையில் பிழையென்பதால் பிறரை சத்துருவாய் பார்க்கும் எனக்கு, அன்பே பிரதானம் என்ற போதனையிலும் பிழையுள்ளதோ என்று என் மனசாட்சியே எனக்கு சுட்டிக்காட்டுகையில்! ➡நானும் ஒரு உணர்வில்லாத பரிசேயன் தான் - ஒருசில விஷயங்களில் நான் நீதிமான் என்பதாலும் அதே ஒருசில விஷயங்களில் பிறரை நியாந்தீர்க்கும் அதே நான், வேறு ஒருசில விஷயங்களில் அந்த பிறர் என்பவர்கள் நீதிமான் என்று அறிந்திருந்தும் அதே விஷயத்தில் என்னை நானே நியாந்தீர்த்து திருத்திக்கொள்ளாதபோது! ➡நானும் ஒரு வெள்ளையடிக்கப்பட்ட பரிசேய கல்லறை தான் - ஊராருக்கெல்லாம் கீழ்ப்படிதலையும், பரிசுத்தத்தையும், இரக்கத்தையும் பிரசங்கித்த எனக்கு, நீங்கள் கைக்கொள்ளும்படி அவர்கள் உங்களுக்குச் சொல்லுகிறயாவையும் கைக்கொண்டு செய்யுங்கள், அவர்கள் செய்கையின்படியோ செய்யாதிருங்கள் என்ற ஆண்டவருடைய வார்த்தை சத்தமாய் எனக்கு மட்டும் கேட்கும்பொழுது! ➡நானும் ஒரு செத்த பரிசேயன் தான் - பிறர் இச்சையில் விழுந்து போகையில் அவர்களை உற்றுநோக்கி மிரட்டிஉருட்டி நியாந்தீர்த்த அதே கண்கள், தானும் ஓரு சிலவேளைகளில் ஓரக்கண்ணால் பிறருக்கானவைகளை இச்சிக்கும்போது! ➡மாயமால பரிசேயன் நானய்யா... மார்மேல அடிக்கிறேன் தேவா... மகா இரக்கம் காட்டுமய்யா... மன்னித்து என்மகனேயென்று உருகுமய்யா! - http://gopalelango.blogspot.com/2015/11/Phariseeshypocrites.html