இறைவன்

இயேசு தேவத்துவம் உள்ளவராகவும்  தேவனை தன் சொந்த பிதா என்று சொன்னதாலும்  தேவனும் நானும் ஒன்றாய் இருக்கிறோம் என்று சொன்னதாலும் அவர் சொற்கள்  செயல்பாடுகள் அற்ப்புத அதிசயங்கள் போன்ற அனேக கரியங்களில் அவர் தேவனுக்கு சமமாகவே இருந்தார் எனவே அந்த வசனத்தில் எந்த தவறும் இல்லை.         

அவர் எந்தெந்த காரியத்தில் எல்லாம் தேவனுக்கு சமமாக இருந்தார் என்று பார்த்தால்:

தேவத்துவத்தில் அவர் தேவனுக்கு சமமாக இருந்தார் 

தேவனுடய ஆவியானவர் அவரோடு தங்கியிருந்ததால் அவர் தேவனுக்கு சமமாக இருந்தார்      

தேவனின் கிரியைகளை செய்வதில் அவர் தேவனுக்கு சமமாக இருந்தார் 

பிதாவுடையது எல்லாம் அவருடையதாகவே இருந்ததால் அவர்  பிதாவுக்கு சமமாக  இருந்தார் 

தேவனுடைய வலது பாரிசத்தில் வீற்றிருப்பதால் அவர் தேவனுக்கு சமமாக இருக்கிறார்.

தேவனுடைய ஏழு ஆவிகளையும் உடையவராக இருப்பதால் அவர் தேவனுக்கு சமமாக இருக்கிறார்  

இப்படி அனேக காரியங்களை சொல்லிக்கொண்டே போகலாம்  எனவே பவுலோ யோவானோ அல்லது நானோ கூட அவரை யாரும் தூதர் என்றோ அல்லது தேவதன்மை அற்றவர் என்றோ சொல்லிவிடாத படிக்கு அவர் தேவனுக்கு சமமானவர் என்று சொல்வதில் எந்த தவறும் இல்லை.  அவர் தேவனும் தேவனுக்கு சமமானவரும் தான் என்பதில்  எந்த மாற்று கருத்தும் இல்லை.

ஆனால் பிதாவாகிய தேவன் அவரைவிட  எந்த விதத்தில் பெரியவர் என்பதை இயேசு ஒருவரே அறிவார். ஏதோ ஓரிரு காரியங்களில் பிதா பெரியவராக இருந்ததால்தான் இயேசு "என் பிதா என்னிலும்  பெரியவர்" என்று சொல்லவேண்டிய அவசியம் இருந்திருக்க வேண்டும். அப்படி பிதாவானவர் எந்த தகுதிகளில் பெரியவர் என்பதை தேவனோ அல்லது இயேசுவோ  சொல்வதை வைத்துதான் நாம் புரிந்துகொள்ள முடியம். 

இந்த காரியங்களை குறித்து வசனம் என்ன சொல்கிறது என்பதை குறித்து பார்த்தால்:

இயேசுவை இன்று என்ற நாளில் ஜெனிப்பித்தவர் தேவன்

சங்கீதம் 2:7 தீர்மானத்தின் விவரம் சொல்லுவேன்; கர்த்தர் என்னை நோக்கி: நீர் என்னுடைய குமாரன், இன்று நான் உம்மை ஜநிப்பித்தேன்;

இயேசுவை ஜெநிப்பித்தவர் அவரது  தகப்பன் என்ற  ஸ்தானத்தில் பிதா இயேசுவுக்கு பெரியவராக இருந்தார்.  

இயேசுவை பாவத்துக்கு பரிகார பலியாக அனுப்பியவர்  தேவன்:  

யோவான் 8:42 நான் தேவனிடத்திலிருந்து வந்திருக்கிறேன்; நான் சுயமாய் வரவில்லை, அவரே என்னை அனுப்பினார்.

இயேசுவை பரிகார பலியாக அனுப்பியவர் அல்லது அனுப்பமுடிந்தவர் அல்லது ஒப்புகொடுத்தவர் என்ற ஸ்தானத்தில் பிதா இயேசுவைவிட பெரியவராக இருந்தார்

இயேசுவுக்கு "தம்மில்தாமே ஜீவடையவராக இருக்கும்படி அளுள் செய்தது தேவன்:   

யோவான் 5:26 ஏனெனில், பிதாவானவர் தம்மில் தாமே ஜீவனுடையவராயிருக்கிறதுபோல, குமாரனும் தம்மில்தாமே ஜீவனுடையவராயிருக்கும்படி அருள் செய்திருக்கிறார்.

இயேசுவுக்கு ஜீவனை அருள் செய்ததன் மூலம் அவர் இயேசுவைவிட பெரியவராக இருந்தார்.

பிதா எதை செய்து இயேசு கண்டாரோ அதைதான் இயேசு செய்தார் :

யோவான் 5:19   பிதாவானவர் செய்யக் குமாரன் காண்கிறதெதுவோ, அதையேயன்றி, வேறொன்றையும் தாமாய்ச் செய்யமாட்டார்; அவர் எவைகளைச் செய்கிறாரோ, அவைகளைக் குமாரனும் அந்தப்படியே செய்கிறார்.

இயேசுவுக்கு  திட்டங்களை வகுத்து கொடுத்து ஒரு இயக்குனராக  இருந்ததன் மூலம் தேவன் பெரியவராக இருக்கிறார்.  

இயேசு மரித்தபின்னர் ஆவியை தேவனிடமே ஒப்பு கொடுத்தார்.

லூக்கா 23:46 இயேசு: பிதாவே, உம்முடைய கைகளில் என் ஆவியை ஒப்புவிக்கிறேன் என்று மகா சத்தமாய்க் கூப்பிட்டுச்சொன்னார்; இப்படிச் சொல்லி, ஜீவனைவிட்டார்.

இயேசு தன் ஆவியை பிதவிடத்தில் ஒப்புகொடுத்ததன் மூலமும் பிதா  இயேசுவைவிட பெரியவராக இருக்கிறார்.

இயேசுவுடைய உபதேசம் மற்றும் அவருக்கு  உண்டானது எல்லாமே பிதாவுடையதுதான்.  

யோவான் 7:16  என் உபதேசம் என்னுடையதாயிராமல், என்னை அனுப்பினவருடையதாயிருக்கிறது.

யோவான் 17:10 என்னுடையவைகள் யாவும் உம்முடையவைகள், உம்முடையவைகள் என்னுடையவைகள்

இயேசுவுக்கு உண்டானதை எல்லாம் கொடுத்ததன் மூலம் பிதா  பெரியவராக இருக்கிறார்.  

இயேசுவுக்கு அளவில்லாத ஆவியை கொடுத்தவர் தேவனே!

யோவான் 3:34 தேவனால் அனுப்பப்பட்டவர் தேவனுடைய வார்த்தைகளைப் பேசுகிறார், தேவன் அவருக்குத் தமது ஆவியை அளவில்லாமல் கொடுத்திருக்கிறார்.

இறுதியாக, இயேசுவுக்கு தெரியாத காரியம் கூட தேவனுக்கு தெரியும்:  

மாற்கு 13:32 அந்த நாளையும் அந்த நாழிகையையும் பிதா ஒருவர் தவிர மற்றொருவனும் அறியான், பரலோகத்திலுள்ள தூதர்களும் அறியார்கள், குமாரனும் அறியார்.

இயேசுவுக்கு தெரியாத காரியங்களை அறிந்திருப்பதன்  மூலம் பிதா இயேசுவைவிட பெரியவராக இருக்கிறார் 

தேவனுடய ஆவியானவர் அவரோடு தங்கியிருந்ததால் அவர் தேவனுக்கு சமமாக இருந்தார்      

தேவனின் கிரியைகளை செய்வதில் அவர் தேவனுக்கு சமமாக இருந்தார் 

பிதாவுடையது எல்லாம் அவருடையதாகவே இருந்ததால் அவர்  பிதாவுக்கு சமமாக  இருந்தார் 

தேவனுடைய வலது பாரிசத்தில் வீற்றிருப்பதால் அவர் தேவனுக்கு சமமாக இருக்கிறார்.

தேவனுடைய ஏழு ஆவிகளையும் உடையவராக இருப்பதால் அவர் தேவனுக்கு சமமாக இருக்கிறார்