இறைவன்

யாத்திராகமம் 12:12
அந்த ராத்திரியிலே நான் எகிப்துதேசமெங்கும் கடந்துபோய், எகிப்து தேசத்திலுள்ள மனிதர்முதல் மிருகஜீவன்கள்மட்டும், முதற்பேறாயிருக்கிறவைகளையெல்லாம் அதம்பண்ணி, எகிப்து தேவர்களின்மேல் நீதியைச் செலுத்துவேன்; நானே கர்த்தர்.

தேவர்களுக்கு ஏன் நீதியை நம் தேவன் செலுத்த வேண்டும்.

எனக்கு புரியவில்லை.

மேலும்  7. அப்பொழுது விடியற்காலத்து நட்சத்திரங்கள் ஏகமாய்ப் பாடி,  தேவபுத்திரர் எல்லாரும் கெம்பீரித்தார்களே

தேவ புத்திரர் மற்றும் தேவர்கள் இரண்டும் ஒன்றா? 

அத்துடன் இத் தேவ புத்திரர்கள் கெம்பீரித்தார்கள் என்று சொல்லப்படுகிறது அப்படியாயின் இந்த தேவர்கள் நம் தேவனுக்கு விரோதமானவர்கள் இல்லையா? 

அவர்களுக்கு எப்படி வல்லமை வந்தது.. எப்படி உருவானார்கள் ?

வேத ஆதாரத்தோடு விளக்கவும் அண்ணா 

///தேவர்களுக்கு ஏன் நீதியை நம் தேவன் செலுத்த வேண்டும்.////

நீதி எங்கு செலுத்தப்பட்டும்? அநீதி இருக்கும் இடத்திலேயே நீதி செய்ய வேண்டி வரும், இந்த தேவர்கள் பாவம் செய்ததால் கர்த்தர் அவர்களை எச்சரிப்பதோடு நீதியும் செலுத்தவேண்டி வந்தது.   

1. சங் 82: 1. தேவசபையிலே தேவன் எழுந்தருளியிருக்கிறார்; தேவர்களின் நடுவிலே அவர் நியாயம் விசாரிக்கிறார்.

1. 2. எதுவரைக்கும் நீங்கள் அநியாயத்தீர்ப்புச்செய்து, துன்மார்க்கருக்கு முகதாட்சிணியம் பண்ணுவீர்கள். (சேலா.)

மேலும்  7. அப்பொழுது விடியற்காலத்து நட்சத்திரங்கள் ஏகமாய்ப் பாடி,  தேவபுத்திரர் எல்லாரும் கெம்பீரித்தார்களே

///தேவ புத்திரர் மற்றும் தேவர்கள் இரண்டும் ஒன்றா? ///

தேவர்களுடைய வாரிசுகள் தேவ புத்திரர்கள். இவர்கள் மனுஷ குமார்த்திகளுக்குள் பெண்களை தெரிந்துகொண்டனர்.  

ஆதியாகமம் 6:2 தேவகுமாரர் மனுஷகுமாரத்திகளை அதிக சௌந்தரியமுள்ளவர்களென்று கண்டு, அவர்களுக்குள்ளே தங்களுக்குப் பெண்களைத் தெரிந்துகொண்டார்கள். 

இப்படி தேவனால் படைக்கப்படட மனுஷர்களாகிய  தேவர்கள் / தேவ புத்திரர்கள் மற்றும் ஆதாமின் வழி வந்த மனுஷர்கள் எல்லோரும் ஒரே நிலைக்கு வந்து சேர்ந்தனர்! 

 ///அத்துடன் இத் தேவ புத்திரர்கள் கெம்பீரித்தார்கள் என்று சொல்லப்படுகிறது அப்படியாயின் இந்த தேவர்கள் நம் தேவனுக்கு விரோதமானவர்கள் இல்லையா?///

இல்லை! 

அவர்கள்தான் முதலாம் நிலை மனுஷர்கள். அவர்கள் தேவனால் படைக்கப்பட்ட்தால் தேவர்கள் என்றும் அவர்களின் வாரிசுகள் தேவ புத்திரர்கள் என்றும் சொல்லப்படடார்கள். முதலில் பாவத்தில் வீழ்ந்தவர்கள் இவர்களே. அந்த பாவத்தின் தொடர்ச்சிதான் ஏதேன் தோடடத்தில் சர்ப்பமாக இருந்தது. இந்த தேவர்களை குறித்துதான் சர்ப்பம் "நீங்கள் நன்மை தீமை அறிந்து தேவர்களை போல் இரூபிப்பீர்கள்" என்று சொன்னது.  

 //அவர்களுக்கு எப்படி வல்லமை வந்தது.. எப்படி உருவானார்கள் ?//

ஆதியாகமம் ஒன்றாம் அதிகாரத்தில் தேவனால் சிருஷ்ட்டிக்கப்படட மனுஷர்கள் இவர்களே.