இறைவன்

நான் பூமியிலே சமாதானத்தை உண்டாக்க வந்தேன் என்று நினைக்கிறீர்களோ? சமாதானத்தையல்ல, பிரிவினையையே உண்டாக்க வந்தேன் என்று உங்களுக்குச் சொல்லுகிறேன்.

லூக்கா 12 : 51  

இந்த வார்த்தை மூலம் இயேசு கிறிஸ்து  இந்த பூமியிலே அவர் சமாதானத்தை அழிக்க அல்லது இல்லாமல் பண்ண வந்தார் என்பது போலவும் சமாதானத்தை தர வரவில்லை போலவும் காணப்படுகிறது. 

ஆனால் அவ்வார்த்தையை ஆழமாக ஆவியானவருக்குள் ஆராயும் போது அவ் வார்த்தையில் இருக்கும் ஆழமான அர்த்தத்தை காண முடிகிறது. 

அதாவது ஆண்டவராகிய இயேசு  கிறிஸ்து இப்பூமிக்கு வந்து சுவிசேஷத்தை அறிவித்தார் அத்தோடு ஜனங்களுக்கு தேவையான பல காரியங்களை செய்தார். நோய்களை சுகமாக்கினார், மரித்தோரை உயிரோடு எழுப்பினர் என்று பல காரியங்களை செய்தார் என்பது யாவரும் அறிந்ததே. அதுமட்டும்மல்லாமல் தன் இரத்தத்தை எமக்காக சிந்தி எமக்கு கிடைக்க வேண்டிய எமது பாவத்திட்கான உச்சகட்ட தண்டனையை அவர் தம்மேல் ஏற்றுக்கொண்டு  பாவமன்னிப்பின் விடுதலையை எமக்கு பெற்று கொடுத்தார். 

இப்படி பல காரியங்களை எமக்காகவே செய்த அந்த உத்தம தெய்வம் மேட்குறிப்பிட்ட வசனத்தை சொல்ல காரணம் என்ன? என்று சற்று ஆழமாக சிந்திப்போமானால் அதில் இருக்கும் சத்தியம் வெளிப்படுகிறது. அதாவது இயேசு கிறிஸ்துவின் வருகைக்கு பின்னர் பூமியில் பிரிவினை உண்டாக்குகிறது சுவிசேஷம் அறிவிக்கப்பட அறிவிக்கப்பட பூமியில் பல பிரச்சினைகள் ஏட்பட போகிறது என்பதை அறிந்தே தேவன் அவ்வாறு சொல்கிறார் என்பதே எனது கருத்து..

உதாரணத்திட்கு ஒரு வேறு மதத்தில் உள்ள ஒருவர் சுவிசேஷத்தின் மூலம் ஆண்டவராகிய இயேசு கிறிஸ்துவை தன் தெய்வமாக ஏற்று கொள்ளும் போது அக்குடும்பத்தில் பிரிவினை உண்டாக்குகிறது தனது மதப்பற்றினால் இரட்சிக்கப்பட்ட அந்த மகனையோ / மகளையோ கொலை செய்யும் அளவிட்கு கூட அந்த குடும்பத்தார் முயல்கின்றனர் .. இதனால் பிரிவினை உண்டாகுவதை எம்மால் காண முடிகிறது.. 

வசனம் இப்படி சொல்கிறது 

லூக்கா 12 : 52  எப்படியெனில், இதுமுதல் ஒரே வீட்டிலே ஐந்துபேர் பிரிந்திருப்பார்கள், இரண்டுபேருக்கு விரோதமாய் மூன்றுபேரும், மூன்றுபேருக்கு விரோதமாய் இரண்டுபேரும் பிரிந்திருப்பார்கள்.

எனவே ஆண்டவராகிய இயேசு சுவிசேஷத்தின் மூலம் உண்டாகப்போகும் காரியங்களையே அப்படியாக அறிவித்தார்  மேலும் சுவிசேஷத்தை தடுப்பதட்கு  சாத்தானும் பல பிரச்சனைகளை கொண்டு வருவான் இதன் மூலம் சமாதானம் இல்லாமல் கூட போகும் என்று ஆண்டவர் அறிந்தபடியால் அவர் உலகிட்கு வந்ததால் தான் இவைகள் எல்லாம் நடக்க போகிறது என்று அறிந்து ஆண்டவர் அப்படி சொல்லியிருப்பார் தவிர அவர் சமாதானத்தின் பிரபு என்பதில் எந்த சந்தேகமுமில்லை. 

ஏசாயா 9:6 நமக்கு ஒரு பாலகன் பிறந்தார்; நமக்கு ஒரு குமாரன் கொடுக்கப்பட்டார்; கர்த்தத்துவம் அவர் தோளின்மேலிருக்கும்; அவர் நாமம் அதிசயமானவர், ஆலோசனைக் கர்த்தா, வல்லமையுள்ள தேவன், நித்திய பிதா, சமாதானப்பிரபு என்னப்படும்.