இறைவன்

புறம்பே இருப்பவர்கள் என்பவர்கள் தேவனை தேடாமல் தேவனை அறிந்தும் அறியாமல் உலக இன்பங்களில்  முழுமையாக மூழ்கி  வாழ்ந்துகொண்டு இருப்பவர்களையே புறம்பே இருப்பவர்கள் என்று வசனம் சொல்கிறது.

 

ரோமர் 1:21 அவர்கள் தேவனை அறிந்தும், அவரை தேவனென்று மகிமைப்படுத்தாமலும், ஸ்தோத்திரியாமலுமிருந்து, தங்கள் சிந்தனைகளினாலே வீணரானார்கள்; உணர்வில்லாத அவர்களுடைய இருதயம் இருளடைந்தது.  

 

பொதுவாக ஆண்டவர் சொல்லுவது என்னை தேடுங்கள் அப்பொழுது நான் உங்களுக்கு தென்படுவேன் என்பதே!

 

ஆண்டவரை தேடாமல் உலக இன்பங்களை தேடுபவர்களுக்கு உவமையை சொன்னாலும் ஏறாது உண்மையை சொன்னாலும் மண்டையில் ஏறாது இவர்கள் இருதயம் இருளடைத்துவிட்ட்து.

 

பொதுவாக ஒரு yutube சேனலில் எதை தேடுகிறோமோ அது சம்பந்தமான செய்திகள்தான் வரும். அதேபோல் தேவனுக்குரியத்தை தேடினால் தேவன் தென்படுவார். உலக காரியங்களை தேடினால் அதுதான் வரிசையாக வரும்.

 

அதாவது ஒருவர் மிகவும் நல்லவராக இருந்தால் அவருக்கு ஆண்டவரை பற்றிய செய்தி யார் மூலமாகவோ அடிக்கடி சொல்லப்படும். ஓரளவு நல்லவராக இருந்தால் சிற்சில நேரங்களில் சிலர் மூலம் சொல்லப்படும். இருதயத்தில் ஈரமில்லாத கெடடவனுக்கு எங்கோ யாரோ சொல்வது லேசாக கேட்க்கும் ஆனால் அதை பெரிதாக எடுக்கவும் மாட்டான்  அதன்மூலம் அவன் உணர்வடையவும் முடியாது 

 

 

 

பெதஸ்தா குளத்தருகில் எத்தனையோ நோயாளிகள் படுத்திருக்க இயேசு ஒரே ஒருவனை மட்டும் குணமாக்க காரணம் என்ன? மற்றவர்களை அவர் நேசிக்கவில்லையா?

 

இஸ்ரவேலில் எத்தனையோபேர் இருக்கும்போது வெறும் 12 பேரை இயேசு ஏன் எந்த அடிப்படையில் சீஷர்களாக தேர்ந்தெடுத்தார்?  அதிலும் சிலரிடம் ரொம்ப நெருக்கமாகவும் சிலரிடம் சற்று தூரமாகவும் இருக்க காரணம் என்ன?

 

 

எதற்குமே ஒரு அடிப்படை இருக்கிறது. இயேசுவே சொல்கிறார்  உங்களுக்கு அருளப்பட்ட்து புறம்பே இருப்பவர்களுக்கு அருளப்படவில்லை என்று.

 

தேவன் ஒருவரிடம் அடிக்கடி பேசவும் ஒருவரை விட்டு விலகி செல்லவும் அவரவர் இருதய நினைவுகளே காரணம். 

 

அசிங்கத்தை கண்டதால் நாமே விலகித்தானே செல்கிறோம் அதுபோல் ஒருவர் இருதயம் சூதும் கேடும் நிறைந்திருந்தால் தேவனால் அங்கு பிரவேசிக்க முடியாது அப்படிபடடவர்கள் புறம்பேதான் இருப்பார்கள்.

 

ஆனால் அவர்களுக்கும் சுவிசேஷம் சொல்லப்படும்.