இறைவன்

ஒரு மனுஷனின் இரட்சிப்பு அவனது கிரியை மிக மிக அவசியம் என்ற கருத்தை  குறித்து நான் இங்கு எந்த எதிர் கருத்தும் எழுத விரும்பவில்லை. 

 

ஆனால்  "மனுஷனால் கூடாதுதான் அது  தேவனால் கூடும் அல்லது தேவனுடன் சேர்ந்தால் மனுஷனால் கூடும்" என்று வசனம் சொல்லும் போது  "தேவனால் சிலது முடியவே முடியாது அனால் மனுஷனுடைய  கிரியையினால் கூடும்" என்பது போன்று ஒரு கருத்தை நம்மால் ஏற்க்க முடியாது!

 

நான்  ஒரேஒரு கேள்வி கேட்கிறேன்:: நீங்கள் செய்யும் ஒரு நன்மையான காரியம் உங்கள் சுய பெலத்தால் செய்கிறீர்களா அல்லது தேவன் உங்களுக்கு அதை செய்யும் அளவுக்கு  வாய்ப்பை  ஏற்ப்படுத்தியதால் செய்கிறீர்களா?  உங்களை அந்த கிரியைகளை செய்யவைப்பவர் தேவனே என்பதே எனது கருத்து (மனுஷ

பெலத்தினாலோ பராக்கிரமத்தலோ அல்ல, தேவனின் ஆவியாலேயே எல்லாம் ஆகும்)   

 

 

இல்லை தேவனின் தூண்டுதலின் பேரில் என்னுடய விருப்பமும் இணைத்து நன்மை செய்கிறேன் என்று கருதினால்  அனைத்துக்கும் அடிப்படை காரணம் அல்லது அனைத்தையும் செய்பவர் தேவன் என்று ஆகிவிடுகிறது. அவர் மனுஷனுடன் சேர்ந்து எல்லாவற்றையும் செய்து முடித்தாலும் சரி அல்லது மனுஷன் தேவனுடன் சேர்ந்தது எல்லாம் கூடுமானாலும் சரி அங்கு "எல்லாம்" என்ற வார்த்தையில் எல்லோரின் இரட்சிப்பும் அடங்குகிறது. ஆனால் அதை 

அவரவர் தகுதிக்கு ஏற்ப வழங்குவது தேவனின் தனிப்பட்ட தீர்மானத்தின் அடிபடையில் நடக்கும்.  

 

 

பாதாளத்தில் அவதிப்படும் மனுஷர்களை தேவன் நினைத்தால் நிச்சயம் மீட்க முடியும். ஆனால் அவர் அதற்க்கான திட்டங்களை வகுத்து  அந்த நாட்கள் நிறைவேரும்வரை  காத்திருக்கிறார் அவ்வளவே! (அவரால் முடியாது என்று சொல்ல ஒன்றும் இல்லை). உடனடியாக அவர்களை மீட்க முடியுமா என்றாலும் முடியும்தான். ஆனால் அதன் பின்விளைவுகள் சற்று மோசமாக இருக்கும்

அதனால் மனுஷனுக்குதான் இன்னும் அதிக வேதனை. அதனாலேயே அவர் காலம் நிறைவேறும்வரை பொறுமையாக இருக்கிறார். அவர் பொறுமை காப்பது எல்லாம் மனுஷனுக்காகவே மற்றபடி அவரால் முடியாமல் அல்ல!  

 

ஒரு குழந்தையை பிடித்து வைத்துகொண்டு ஒருவன் பிளாக் மெயில் பண்ணும் போது துப்பாக்கியுடன் நிற்கும் நூறு போலிஸ்காரர்கள் பொறுமைகாப்பது இல்லையா? அது போன்றதுதான் தேவனால் முடியாது என்று சொல்லப்படும் நிலைகளும்

 

மேலும் ஒருகாரியத்தை நான் இங்கு தெரிவித்துகொள்கிறேன். துன்மார்க்கனுக்கு நித்திய அழிவு மட்டும் தான் தண்டனை என்றால் எல்லா துன்மார்க்கனும் முடிந்தஅளவு துன்மாக்கமாக நடந்து வாழும்காலத்தில் எல்லா சுகத்தையும் அனுபவித்து விட்டு, வாழ்ந்து மரித்து பின்னர் தேவனின் நியாயதீர்ப்பின் போது சுலபமாக அழிந்து போவார்கள். இன்று உலகத்தில் துன்மார்க்கமாக நடக்கும்  அநேகர் அப்படி எண்ணத்தில்தான் வாழ்ந்துகொண்டு இருக்கிறார்கள்.  அதைசெய் இதை செய்யாதே என்று ஒவ்வொன்றாக பார்த்து பார்த்து செய்வதை விட முடிந்த அளவு இன்பமாக வாழ்ந்துவிட்டு, சாவு வந்தால் செத்துபோக வேண்டியதுதான் என்பதுதான் பலரின் கருத்து!

 

நானும் கூட ஆண்டவரை அறியாத காலங்களில் அதிகமாக சிகரெட் பிடிப்பவன் யாராவது வந்து என்னிடம் கேன்சர் வரும் நீ சீக்கிரம் செத்துபோவாய் என்று சொன்னால் "இந்த உலகில் இருந்து என்னத்தை கண்டோம் சீக்கிரம் செத்துபோவதே நலம் என்று சொல்லும் நிலையிலேயே இருந்தேன்!    

 

ஆனால் ஆண்டவரை அறிந்து உண்மையை உணர்ந்த பின்னரே அழிவு என்பது அவ்வளவு சுலபமானது அல்லஎன்றும் அவனவன் செய்த துன்மார்க்கத்துக்கு தகுந்த தண்டனையை  அனுபவிக்காமல் ஒருவனாலும்  அழிந்துபோகவும் முடியாது நித்தியத்திலும் பிரவேசிக்க முடியாது! என்பதை அறிந்து கொண்டேன்

 

"துன்மார்க்கனுக்கு அவன் கிரியைக்கு தக்க  தண்டனை உண்டு" என்பதை யாரும் மறுக்க முடியாது! அதை குறித்து அனேக வசனங்கள் வேதத்தில் இருக்கின்றன  ஆனால் அந்த தண்டனை எப்படியிருக்கும்? அழிவு என்பது எதை  குறிக்கும்? என்பதை குறித்து முடிவுசொல்ல நமக்கு அதிகாரம்இல்லை! அப்படியே ஒருவருக்கு அது குறித்து  திட்டமாக தெரிந்தாலும் கூட ஒருபுறம்  ஜனங்களை எச்சரித்து விட்டு மறுபுறம் தேவனிடம் அவர்களின் மீட்புக்காக மன்றாடுவது அவசியம். இந்நிலையில் தேவனாலேயே அது முடியாது என்று தேவனின் வல்லமைக்குமேல் மனுஷனின் கிரியை உயர்த்துவது சரியல்ல!  என்னை பொறுத்தவரை நான் யாரையும் வசனத்தின் அடிப்படையில் கூட நியாயம் தீர்க்க விரும்பவில்லை.    

 

கிறிஸ்த்தவம் என்பது விசுவாசத்தின் அடிப்படையிலான மார்க்கம்! ஒருவர் எப்படி விசுவாசிக்கிறாரோ அதன் அடிப்படயிலேயே அவருக்கு காரியங்கள் நடைபெறும். விசுவாசமற்ற இடங்களில் இயேசுவால் கிரியைசெய்ய முடியவில்லை.  யாருடைய விசுவாசத்திலும் நான் குறுக்கிடவிரும்பவில்லை. "விசுவாசிப்பவனுக்கு எல்லாம் கூடும்" என்பதன் அடிப்படையில் எனது விசுவாசத்தின் அடிப்படையிலான காரியங்களே எனக்கு சம்பவிக்கும்.  

 

என்னுடய வாதத்தின் அடிப்படை கருத்து என்னவெனில்:  ஒரு ஆதாமின் மீறுதல் மற்றும் கீழ்படியாமையால்  எல்லா மனுஷனையும் பாவியாக்கிபோனோம்

 

இந்தியாவில் எத்தனை கோடி மனுஷர்கள் இருந்தாலும் அவர்கள் தேர்ந்தெடுத்த மன்மோகன் சிங்  ஒருகருத்தை சொல்லும்போது அது இந்தியாவின் கருத்து என்று ஆகிவிடுகிறது. அதேபோல் மொத்த மனுஷ வர்க்கமும்  ஒரே ஒரு ஆளாகத்தான் REPRESENT பண்ணப்படும். ஏனெனில் ஒரேஒரு ஆவியில் இருந்துதான் எல்லோரும் வந்திருக்கிறோம். ஒருவன் சாத்தானை ஜெயம்கொண்டால் எல்லோருமே அவனை ஜெயம்கொண்ட மாதிரிதான்!  மற்றபடி  துன்மாக்கனுக்கு கொடுக்கப்பட வேண்டிய தணடனையை தேவன் பார்த்துகொள்வார்.  

 

நீங்கள் "இரட்சிப்பை கண்டடைய மாட்டான்" என்று எழுதப்பட்டுள்ள வார்த்தைகள் துன்மார்கனுக்கு என்று கருதுகிறீர்கள். ஆனால் நான்  அது எனக்கு என்றே எடுத்து கொண்டு காரியங்களை செய்ய விளைகிறேன் காரணம் சாத்தானை ஜெயிக்க முடியாதவரை நானும் ஒரு துன்மாக்கனே!    

 

எனவே தேவனை அறிந்து கொண்ட  ஒவ்வொருவரும் அவரவர் அதிக பிரயாசம் எடுத்து  தேவனின் வார்த்தையை சரியாக கைகொண்டு வாழ்ந்து, இயேசுவால் தோற்க்கடிக்கபட்ட நிலையில் இருக்கும் சாத்தானின் அதிகாரத்தை முறியடித்து அவனை ஜெயம்கொள்வதர்க்கான கிரியைகளை செய்வோமாக. 

 

(சாத்தானின் கிரியை இருக்கும்வரை துன்மார்க்கனும் கள்ள  உபதேசக்கரனும் இருக்கும் அதை சிலர் தொடர்ந்து செய்து கொண்டு தான் இருப்பார்கள் அதை யாராலும் ஒழிக்க முடியாது)