இறைவன்

சகோ.ஸ்டீபன்:

//சகோ: சுந்தர் எழுதிய வரிகளில் உள்ள நோக்கமானது அவர்கள் வேதனையில் உள்ளபோது நாம் அதை காண நேர்ந்தும் நம்மால் ஒன்றும் செய்ய முடியவில்லையே
என்று ஒரு ஆதங்கத்தினால் எழுந்த வரிகளே என்று எனக்கு என்ன தோனுகிறது.//

அன்பான சகோதரரே! விவாதத்தில் ஒருவர் கூறும் கருத்தை நாம் சரியாக relay செய்யாததால்தான், அதிக வார்த்தைகளில் பதிவு தரவேண்டியதாயுள்ளது. அது சகோ.எட்வின் போன்ற சிலருக்கு சலிப்பைத் தந்துவிடுகிறது. சுந்தர் தனது முதல் பதிவில் என்ன எழுதியுள்ளார் என்பதைத் தருகிறேன், படியுங்கள்.

//தேவனால் படைக்கபட்ட மனுஷர்களை கொடூரமான துன்பத்துக்குள் கொண்டு சென்று அதன்மூலம் தன்னை ஆகாதவன் என்று தள்ளிய தேவனுக்கு மன வேதனையை உண்டாக்க வேண்டும் என்பதே சாத்தனின் நோக்கம். அவன் பிடியில் கீழ் இருக்கும் ஜனங்களை அவன் எப்படி வேண்டுமானாலும் துன்புருத்த்தி சித்திரவதை செய்து கொல்கிறான்.  அதை பார்த்து தேவன் ஒவ்வொருநாளும் பரிதபிக்கிறார்.
 
எரேமியா 14:17 என் கண்களிலிருந்து இரவும்பகலும் ஓயாமல் கண்ணீர் ஓடிக்கொண்டிருக்கும்; என் ஜனமென்கிற குமாரத்தியாகிய கன்னிகை மகா வேதனையுள்ள அடியினாலும் கொடிய காயத்தினாலும் சேதப்பட்டிருக்கிறாள்.
 
சாத்தானின் இந்த கொடூர ஆட்டத்தை முடிவுக்கு கொண்டுவரவேண்டும் என்பதே தேவனின் எதிர்பார்ப்பு!//

ஏதோ சாத்தான்தான் பூகம்பத்தைக் கொண்டுவருகிறான், வெள்ளத்தைக் கொண்டுவருகிறான், ஜனங்களைத் துன்புறுத்தி கொல்கிறான்; அதைத் தடுக்க இயலாமல் தேவன் தவிக்கிறார் என்பதுபோல் சுந்தர் கூறுகிறார். தனது கருத்துக்கு ஆதாரமாக சம்பந்தமில்லாத ஒரு வசனத்தையும் போடுகிறார். அந்த வசனத்திற்கு முந்தின சில வசனங்களைத் தருகிறேன், படியுங்கள்.

எரேமியா 14:11  கர்த்தர் என்னை (எரேமியாவை) நோக்கி: நீ இந்த ஜனத்துக்கு நன்மையுண்டாக விண்ணப்பம்பண்ணவேண்டாம். 12 அவர்கள் உபவாசித்தாலும், நான் அவர்கள் விண்ணப்பத்தைக் கேட்பதில்லை; அவர்கள் தகனபலிகளையும் காணிக்கைகளையும் செலுத்தினாலும், நான் அவர்கள்மேல் பிரியமாயிருப்பதில்லை; பட்டயத்தினாலும் பஞ்சத்தினாலும் கொள்ளைநோயினாலும் நான் அவர்களை நிர்மூலமாக்குவேன் என்றார்.

13 அப்பொழுது நான்: ஆ கர்த்தராகிய ஆண்டவரே, இதோ, நீங்கள் பட்டயத்தைக் காண்பதில்லை, உங்களுக்குப் பஞ்சமும் வருவதில்லை; உறுதியான சமாதானத்தையே இவ்விடத்தில் உங்களுக்குத் தருவோமென்றார் என்று தீர்க்கதரிசிகள் அவர்களுக்குச் சொல்லுகிறார்களே என்றேன்.

14 அப்பொழுது கர்த்தர் என்னை நோக்கி: தீர்க்கதரிசிகள் என் நாமத்தைக்கொண்டு பொய்யாய்த் தீர்க்கதரிசனஞ் சொல்லுகிறார்கள். நான் அவர்களை அனுப்பினதுமில்லை, அவர்களுக்குக் கற்பித்ததுமில்லை, அவர்களோடே பேசினதுமில்லை; அவர்கள் கள்ளத் தரிசனத்தையும், கள்ள சகுனத்தையும், இல்லாத விசேஷத்தையும், தங்கள் இருதயத்தின் கபடத்தையுமே, உங்களுக்குத் தீர்க்கதரிசனமாய்ச் சொல்லுகிறார்கள். 15 ... இப்படிப்பட்ட தீர்க்கதரிசிகள் பட்டயத்தாலும் பஞ்சத்தாலும் சாவார்கள். 16 அவர்களிடத்தில் தீர்க்கதரிசனம் கேட்கும் ஜனங்களும், எருசலேமின் வீதிகளிலே பட்டயத்தாலும் பஞ்சத்தாலும் அழிந்து, அவர்களும் அவர்கள் மனைவிகளும், அவர்கள் குமாரரும், அவர்கள் குமாரத்திகளும் அடக்கம் பண்ணுவாரில்லாமல் கிடப்பார்கள்; அவர்களுடைய பொல்லாப்பை அவர்கள்மேல் வரப்பண்ணுவேன் என்று கர்த்தர் சொல்லுகிறார்.

வசனங்களை நன்றாகப் படியுங்கள். ஜனங்களின் அக்கிரமத்தினிமித்தம் தேவன்தான் அவர்களை பட்டயம், பஞ்சம், கொள்ளைநோயால் நிர்மூலமாக்குவேன் என்கிறார். மாத்திரமல்ல, ஜனங்களை அழிவிலிருந்து தப்புவிக்கும்படி அவர்களுக்காக விண்ணப்பம் பண்ண வேண்டாம் என்றும் எரேமியாவிடம் கூறுகிறார்.

ஆனால் தேசத்திலுள்ள கள்ளத்தீர்க்கதரிசிகளோ, ஜனங்களுக்கு சமாதானம் உண்டென்கிற ஆறுதல் வார்த்தைகளையே கூறினர். இதுபோல்தான் சுந்தரின் வார்த்தைகள் ஜனங்களின் அக்கிரமத்தை உணர்த்தாமல், அவர்களை ஆறுதல் செய்வதாக உள்ளது.

என்னதான் கள்ளத் தீர்க்கதரிசிகள் பொய் வார்த்தைகளைச் சொல்லி ஆறுதல்படுத்தினாலும், தேவன் அவர்களின் பொல்லாப்பை அவர்கள்மீது வரப்பண்ணுவது நிச்சயம் (வ 16). இப்படியிருக்க நாம் என்ன செய்யவேண்டும்? ஜனங்களின் அக்கிரமத்தை அவர்களுக்கு உணர்த்தவேண்டும். அதைச் செய்யாமல், ஏதோ தேவனை மீறி சாத்தான் தான் ஜனங்களுக்குத் துன்பத்தைக் கொண்டுவருவதாகவும், அதைப் பார்த்து ஒன்றும் செய்யமுடியாமல் தேவன் கண்ணீர் விடுவதாகவும் சுந்தர் சொல்கிறார்.

தேவன் கண்ணீர் விடுவதன் காரணம்: ஜனங்கள் அறிவில்லாமல் இப்படிக் கேட்டுப்போகிறார்களே என்பதற்காகத்தான்.

இப்படியாக வசனங்களைப் புரிய வைப்பதற்கு அதிக வசனங்களும் தேவைப்படுகிறது, அதிக வார்த்தைகளும் தேவைப்படுகிறது. ஆனால் அது எட்வின் போன்ற சிலருக்கு வருத்தமாயுள்ளது. நான் மனிதரைப் பிரியப்படுத்துவேனா? தேவனை பிரியப்படுத்துவேனா? தேவனை மட்டுமே பிரியப்படுத்துவேன் (கலாத்தியர் 1:10).

இவ்வுலகில் மனிதர் படுகிற துன்பங்களைப் பார்த்து ஏதோ சுந்தர் மட்டும் தான் பரிதாபப்படுகிறார் என்பதல்ல. அன்புள்ளம் கொண்ட எல்லோருமே பரிதாபப்படத்தான் செய்கின்றனர். பரிதாப்படுகிற எல்லோருமே இம்மாதிரி துன்பங்களைப் போக்க எதுவும் செய்யாத நிலையில்தான் உள்ளனர். ஆனால் நாம் செய்யவேண்டியதென்ன?

துன்பங்கள் நேரிட நாம் எப்படிக் காரணமாயுள்ளோம் என்பதை ஆராய்ந்தறிந்து, அவற்றை நம்மைவிட்டகற்றுவதற்கான முயற்சியை எடுத்துவிட்டு, அதோடுகூட தேவனின் இரக்கத்திற்காக ஜெபிக்கவும் வேண்டும். அதைச் செய்யாமல், “அய்யோ, சாத்தானால் இப்படி நான் துன்பப்பட நேரிடுகிறதே” என்று சொல்லி அங்கலாய்ப்பதாலோ, நம் பிழைகளை உணராமல் தேவனிடம் ஜெபிப்பதாலோ பயன் எதுவுமில்லை என்பதே என வாதம்.

ஸ்டீபன்:

//ஒரு சகமனிதன் வேதனையில் இருக்கும்போது இரக்கபடுவது இயல்புதானே.....//

நிச்சயமாக.

//அதற்கு காரணம் அவனாகவே இருந்தாலும் அவனுக்காக வேண்டிக்கொள்வது நம்கடமை அல்லவா//

ஆம், அவனுக்காக வேண்டலாம்தான். ஆனால் அதற்கு முன்னதாக அவனது பிழைகளை அவனுக்கு உணர்த்த வேண்டும். அவன் தன் பிழைகளை உணர்ந்தால் அவனுக்காக வேண்டலாம்தான். ஆனால் அவன் தன் பிழைகளை உணராமல், “நான் இப்படித்தான் செய்வேன்” எனக் கூறினால் அவனுக்காக வேண்டுவதில் அர்த்தமில்லை. வேண்டுமானால், அவனுக்கு தேவன் நல்ல புத்தியைக் கொடுக்கும்படி ஜெபிக்கலாம்.

ஒருவேளை எங்கோ தொலைவில் உள்ள ஒருவர் துன்பத்தில் கிடந்தால், “தேவனே, அவர்களின் துன்பங்களைப் போக்கும்; அவர்களின் துன்பங்களுக்குக் காரணம் அவர்களின் பாவம் என்றால், அவர்கள் தங்கள் பாவங்களை உணரும்படிச் செய்யும்” என ஜெபிக்கலாம். ஆனால், “அவர்களின் துன்பத்துக்கு சாத்தான் தான் காரணம் என்றும் சாத்தானை ஒன்றும் செய்ய முடியாத நிலையில் தேவன் இருக்கிறார் என்றும்” சுந்தர் நினைப்பது போல் நாம் நினைத்தால், நாம் என்னதான் ஜெபித்தாலும் அதில் பயனில்லை. ஏனெனில், ஜனங்கள் சாத்தானின் பிடியில் இருப்பதாக அல்லவா சுந்தர் கூறுகிறார்? சாத்தானின் பிடியில் இருக்கும் ஜனங்களைக் காப்பாற்ற முடியாமல் கண்ணீர் வடித்துக்கொண்டிருக்கும் தேவன், நம் ஜெபத்தைக் கேட்டு என்ன செய்ய முடியும்?

anbu57 wrote:

---

வசனங்களை நன்றாகப் படியுங்கள். ஜனங்களின் அக்கிரமத்தினிமித்தம் தேவன்தான் அவர்களை பட்டயம், பஞ்சம், கொள்ளைநோயால் நிர்மூலமாக்குவேன் என்கிறார். மாத்திரமல்ல, ஜனங்களை அழிவிலிருந்து தப்புவிக்கும்படி அவர்களுக்காக விண்ணப்பம் பண்ண வேண்டாம் என்றும் எரேமியாவிடம் கூறுகிறார்.

 

---

சகோ. அன்பு அவர்களே. சகோ. ஸ்டீபன் சுர்க்கமாகவும் தெளிவகவும் உண்மையை எழுதிவிட்டார். மேலும் மன கஷ்டங்கள் வராமல் தவிர்க்க நானும் இந்த விவாதத்தை தொடர வேண்டாம் என்றுதான் கருத்தின்  ஆனால தங்களின் கருத்தை மீண்டும் வலியிறுத்தி தேவனை ஏதோ அழிவுபிரியர் போல காட்டி  எழுதுவதை என்னால் ஏற்க்க முடிய வில்லை.  தேவனை பற்றியும் ஜெபம் மற்றும்  இரக்கத்தின்  மேன்மையை பற்றியும் சரியாக அறியாத தங்களுக்கு இன்னும் எவ்விதத்தில் நான் புரியவைப்பது என்பது புரியவில்லை. 

"வேதனை துன்பத்தில் வாடும் மனுஷனுக்கு  இரக்கபடாதே, சாத்தானை குறைகூராதே, மனம்திரும்புகிறாயா என்று கேட்டு தான் ஜெபிக்க வேண்டும்  என்பதுபோல் சொல்லும் ஒருவரை  நான் இப்பொழுதுதான் பார்க்கிறேன். தன்னை சிலுவையில் அறைந்த ஜனங்களை  நிபந்தனை இன்றி மன்னித்த இயேசுவுக்கும் இதை சொல்லியிருக்கலாம்.

anbu57 wrote:

---

ஸ்டீபன்:

//ஒரு சகமனிதன் வேதனையில் இருக்கும்போது இரக்கபடுவது இயல்புதானே.....//

நிச்சயமாக.

//அதற்கு காரணம் அவனாகவே இருந்தாலும் அவனுக்காக வேண்டிக்கொள்வது நம்கடமை அல்லவா//

ஆம், அவனுக்காக வேண்டலாம்தான். ஆனால் அதற்கு முன்னதாக அவனது பிழைகளை அவனுக்கு உணர்த்த வேண்டும். அவன் தன் பிழைகளை உணர்ந்தால் அவனுக்காக வேண்டலாம்தான். 

---

இயேசுவின் ஊழியப்பாதையில் நடந்த ஒரு சம்பவம்:

SANDOSH wrote:

---

சகோதரர் சுந்தர் அவர்களே, நீங்களும் இயேசு கிருஸ்துவை போல அற்புதங்கள் செய்திருக்கிறீர்களா? அதை பற்றி உங்கள் அனுபவங்களையும் கொன்சம் எழுதுங்கள்.

---

 சந்தோஷ் அவர்களே, நீங்க ரொம்ப பிரச்சினை பண்றீங்க... உங்களுக்கு பதிலளிக்க இங்கு யாருமில்லை....ஸாரி..!